आयफोनच्या किंमतीएवढ्याच खर्चात परदेश दौरा शक्य आहे!

खरं तर गॅजेट आणि ट्रीप यांचा एकमेकांशी संबंध नाहीये. बाजारात येणारे फोन किंवा नवीन गॅजेट घेताना आपण खर्चाचा विचार करत नाही. मग आपल्या शरीर-मनाला शांती देणारा अनुभव घेतानाच किंमतीचा विचार का? म्हणूनच आयफोनच्या किमतीशी तुलना करु न वेगवेगळ्या पर्यटनस्थळांची ही माहिती परदेश दौरेही कसे परवडू शकतात हे सांगतात.

अनेकजण बजेटच्या भीतीनं आपल्या फिरण्याचे प्लॅन रद्द करतात किंवा मग जवळच कुठे तरी जाऊ असं म्हणून तडजोड करतात. पण अशी तडजोड करण्यापूर्वी एकदा विचार करा. कारण ज्या किंमतीला आयफोन एक्स येतो त्या किंवा त्याहीपेक्षा कमी किंमतीत फिरता येईल अशीही अनेक ठिकाणं आहेत.टेक्नॉलॉजीच्या मोहातून बाहेर पडून एखादा सुंदर अनुभव आयुष्यात कमवायचा असेल तर या ठिकाणांची माहिती असायलाच हवी.

१. सेशेल्स

हा देश म्हणजे हिंदी महासागरातला 115 बेटांचा समूह आहे. या बेटांपैकी काही बेटं ही नितांत सुंदर असून पर्यटकांसाठी आकर्षणाचं केंद्र आहेत. निवांत बीचेस, रंगीेबिरंगी प्रवाळं आणि सर्वत्र हिरवळ हे इथल्या सौंदर्याचं विशेष.
सेशेल्स बेटं तुम्हाला तुमच्या धकाधकीपासून दूर घेऊन जातात. जगातल्या उत्तम रीसॉर्टसपैकी काही रीसॉर्ट आणि स्कूबा डायव्हिंगसाठीही सेशेल्स प्रसिद्ध आहे. याच कारणांमुळे सध्या भारतीय पर्यटक हनीमून डेस्टिनेशन म्हणूनही सेशेल्सला पसंती देतात. आता सगळ्यांत महत्त्वाची गोष्ट म्हणजे खर्च. भारतातून सेशेल्ससाठीची वेगवेगळी पॅकेजेस चाळीस हजार रूपयांपासून सुरु होतात. म्हणजेच आयफोन एक्सच्या अवघ्या निम्म्या किंमतीत सेशेल्सची सैर होऊ शकते.

2. श्रीलंका

भारतीय पर्यटकांसाठी श्रीलंका हेसुद्धा उत्तम बजेट डेस्टिनेशन आहे. एखाद्या पर्यटनस्थळाला भेट देण्यासाठी पर्यटकांना जे काही लागतं, ते सगळं काही या छोट्याशा देशांत पहायला मिळतं. स्वच्छ आणि सुंदर बीचेस, जंगलं आणि विविध जागतिक वारसास्थळं. श्रीलंकन जेवणाची चवही पर्यटकांना चांगलीच भावते. भारतातून श्रीलंकेला जाण्याचा विमान खर्च कमीत कमी चौदा हजार रूपयांपर्यंत आहे. शिवाय इथे राहण्या-खाण्याचा खर्चही सहा हजार रु पये इतकाच होतो.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत