उत्तराखंडमध्ये बस दरीत कोसळली, 45 जणांचा मृत्यू

देहरादून : बस दरीत कोसळून 45 जणांचा मृत्यू झाल्याची घटना उत्तराखंडमध्ये घडली आहे. आतापर्यंत 20 मृतदेह बाहेर काढण्यात आले असून बचावकार्य सुरु आहे. या घटनेत चार जण गंभीर जखमी असून त्यांच्यावर उपचार सुरु आहेत. पौडी गढवाल येथील ही घटना असल्याची माहिती आहे. भौण येथून रामनगरला जाणाऱ्या बसला हा अपघात झाला, ज्यामध्ये प्रवास करत असेलल्या 45 प्रवाशांचा मृत्यू झाला. मृतांमध्ये जास्त स्थानिक असल्याचीही माहिती आहे. पोलिसांनी आणि एसडीआरएफच्या टीमने बचावकार्य सुरु केलेलं आहे. मृतांचा आकडा आणखी वाढण्याची भीती व्यक्त केली जात आहे.

20 bodies have been recovered, 12 injured referred to hospital after a bus fell down a gorge in Pauri Garhwal district’s Nanidhanda area. Number of casualties expected to rise: Garhwal Commissioner Dilip Jawalkar #Uttarakhand pic.twitter.com/YIskUa0Ku8

— ANI (@ANI) July 1, 2018

अपघात नेमका कसा झाला याबाबत अजून कोणतीही माहिती समोर आलेली नाही. शिवाय मृतांबाबतची माहितीही अद्याप उपलब्ध झालेली नाही.