केंद्राच्या दिलास्यानंतर आज पुन्हा इंधन दरवाढ

नवी दिल्ली : रायगड माझा वृत्त

केंद्र सरकार आणि राज्य सरकारांनी इंधनाच्या किंमतीत कपात केली आणि लोकांना दिलासा मिळाला पण त्यानंतर एक दिवसांतच आज शनिवारी पेट्रोलचा दर पुन्हा वाढला. पेट्रोलच्या दरात आज प्रति लिटर १८ पैसे वाढ झाली आहे.

मुंबईत आज पेट्रोलचा दर प्रति लिटरला ८७.१५ रुपये आहे. यात १८ पैशांची वाढ झाली आहे. डिझेलच्या दरात मात्र ७० पैशांची घट झाली आहे. मुंबईत आज एक लिटर डिझेल ७६.७५ रुपयांना मिळत आहे. दिल्लीत मात्र डिझेल २९ पैशांनी वाढले आहे. चेन्नईत पेट्रोलच्या आजच्या दरात १९ पैशांची तर डिझेलच्या दरात ३१ पैशांची वाढ झाली आहे. कोलकातामध्येही पेट्रोल आणि डिझेलचा दर अनुक्रमे १७ पैसे आणि २९ पैसे प्रति लिटर इतका वाढला आहे. केंद्र सरकारने गुरुवारी इंधनाच्या दरात २.५० रुपये कपात करण्याची घोषणा केली. त्यानंतर अनेक राज्यांनीही व्हॅट रद्द करत इंधनदरवाढीवर दिलासा दिला. या निर्णयानंतर देशभरात पेट्रोल-डिझेलच्या दरात किमान अडीच रुपये तर कमाल पाच रुपये घट झाली होती. यानंतर शुक्रवारी इंधनदर वाढले नव्हते. शनिवारी मात्र इंधन दरवाढ झाली आहे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत