कोलकात्यातील डम डम नगरमध्ये स्फोट, एका मुलाचा मृत्यू

कोलकाता : रायगड माझा ऑनलाईन 

पश्चिम बंगालची राजधानी असलेल्या कोलकाता शहरातील डमडम परिसरात आज सकाळी बॉम्बस्फोट झाला आहे. या स्फोटात सात वर्षांच्या एका चिमुकल्याचा मृत्यू झाला असून ९ जण जखमी झाले आहेत. चौघांची प्रकृती चिंताजनक आहे. कोलकाता विमानतळापासून हाकेच्या अंतरावर हा स्फोट झाला. त्यामुळं खळबळ उडाली असून पोलिसांनी लगेचच संपूर्ण परिसराचा ताबा घेतला आहे.

 

 

सकाळी साडेनऊच्या सुमारास एका फळांच्या दुकानासमोर हा स्फोट झाला. जखमींना तात्काळ जवळच्या रुग्णालयात दाखल करण्यात आले. मात्र, उपचारादरम्यान एका मुलाचा मृत्यू झाला तर, गंभीर जखमी झालेल्या चौघांची प्रकृती चिंताजनक आहे. हा स्फोट तीव्र क्षमतेचा होता, असा पोलिसांचा प्राथमिक अंदाज आहे. कोणत्याही दहशतवादी संघटनेने या स्फोटाची जबाबदारी स्वीकारलेली नसून या स्फोटामागचे कारण ही स्पष्ट झालेले नाही.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत