ताडोबात स्थानिक पर्यटकांसाठी धावणार मीनीबस

 

जिल्ह्यातील स्थानिक पर्यटकांना ताडोबा-अंधारी व्याघ्र प्रकल्पात व्याघ्रदर्शनाची सहज संधी मिळावी यासाठी १ फेब्रुवारीपासून १८ आसनी मीनीबसची फेरी सुरू होणार आहे. स्थानिक नागरिकांना व ऐनवेळी नियोजन करणाऱ्या पर्यटकांना यामुळे सुविधा मिळेल, अशी अपेक्षा व्यक्त केली जात आहे.
ताडोबा-आंधारी व्याघ्र प्रकल्पातील पर्यटकांच्या आग्रहास्तव १ फेब्रुवारीपासून १८ आसनाची मिनीबस सुरू करण्यात येत आहे. ही मिनीबस सेवा फक्त सकाळ फेरीसाठी सुरू करण्यात आली आहे. ताडोबा-अंधारी व्याघ्र संवर्धन प्रतिष्ठानच्या चंद्रपूर येथील कार्यालयात कार्यालयीन वेळेत सकाळी १० ते सायंकाळी ५.३० या वेळेत या बसची बुकिंग करता येणार आहे. आरक्षणाचे शुल्क क्रेडीट व डेबीट कार्डनेही स्वीकारण्यात येणार असल्याची माहिती सूत्रांनी दिली.
दरम्यान, १ फेब्रुवारीपासून ही मिनीबस सकाळी ६ वाजता चंद्रपूर येथून पर्यटनासाठी निघेल. या पर्यटनासाठी प्रती पर्यटक बस शुल्क ६५० रुपये ठेवण्यात आले आहे. मिनीबस मोहर्ली गेट मार्गे निसर्ग पर्यटनासाठी जाईल. मिनीबसचे आरक्षण १५ दिवसांपूर्वी करण्यात येईल. मिनीबससाठी किमान १२ आसनांचे आरक्षण झाल्यानंतरच पर्यटनासाठी बस निघेल. पर्यटकांनी पर्यटनासाठी मिनीबस सुटण्याच्या १५ मिनिटे अगोदर चंद्रपुरातील मुल रोडवरील क्षेत्र संचालक कार्यालयात उपस्थित राहावे, अशा सूचना पर्यटकांना देण्यात आल्या आहेत.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत