धावपट्टीची दुरुस्ती: विमानप्रवास महागणार

मुंबई : रायगड माझा वृत्त

मुंबईहून किंवा मुंबईसाठी विमानाने प्रवास करणाऱ्यां प्रवाशांच्या खिशाला मार्च अखेरपर्यंत कात्री लागणार आहे. मुंबई विमानतळाच्या धावपट्टीची दुरुस्ती हे त्यामागचे कारण आहे. याबाबत मिळालेल्या माहितीनुसार, धावपट्टीच्या दुरुस्तीचे काम ३० मार्च २०१९ पर्यंत मंगळवार, बुधवार आणि शनिवारी असे आठवड्यातून तीन दिवस केले जाणार आहे. या दिवसांमध्ये सकाळी ११ ते संध्याकाळी ५ वाजेपर्यंत विमानांचे उड्डाण, तसेच लँडिंग होणार नाही. यामुळे तिकीटदरात ५० टक्क्यांपर्यंत वाढ होणार आहे. २१ मार्चनंतर मात्र वाहतूक पूर्ववत होणार आहे.

दिवसाचे सहा तास वाहतूक बंद राहणार असल्याने दिवसभरात वाहतूक अत्यंत कमी होणार आहे. याच कारणामुळे तिकीटदराच वृद्धी होणार आहे. मुंबई विमानतळ हे सर्वात व्यस्त विमानतळांपैकी एक आहे. अशात दरात १५ ते २० टक्क्यांची वाढ झालेली आहे.

मुंबईच्या छत्रपती शिवाजी महाराज आंतरराष्ट्रीय विमानतळावर एकमेकांना भेदणाऱ्या दोन धावपट्ट्या आहेत. याबाबत मिळालेल्या माहितीनुसार, दोन धावपट्ट्या जिथे जुळतात, त्याच भागात दुरुस्तीचे काम होणार आहे. यामुळे दोन्ही धावपट्ट्या बंद ठेवाव्या लागणार आहेत.

या विमानतळावर दर तासाला ४६ विमाने ये-जा करतात. अशा प्रकारे एका दिवसात २७६ विमानांवर दुरुस्तीचा परिणाम होणार आहे. दुरुस्तीच्या कामामुळे दुरुस्ती बंद असेल त्या दिवसांतील तिकीटदरावर देखील परिणाम होणार आहे. दरम्यान, मुंबईच्या दुसऱ्या विमानतळच्या जलद निर्मितीची मागणी पुन्हा होऊ लागली आहे. मुंबईसाठी दुसरे विमानतळ व्हावे ही मागणी २००० सालापासून होत आहे.
शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत