धोनीचा धमाका..! सलग तीन अर्धशतकं, 150 च्या सरासरीने धावा

मेलबर्न : रायगड माझा ऑनलाईन 

धोनी संपला, धोनीने आता निवृत्ती घ्यावी असा सल्ला देणाऱ्यांना आणि टीका करणाऱ्यांना धोनीने आपल्या बॅटने उत्तर दिले आहे. नव्या वर्षातील धोनीचा धावांचा रतीब सुरूच असून ऑस्ट्रेलियाविरुद्ध मेलबर्नमध्ये झालेल्या अंतिम एक दिवसीय सामन्यातही त्याने अर्धशतकी खेळी केली. एक दिवसीय कारकीर्दीतील धोनीची ही 70 वी अर्धशतकीय खेळी ठरली.

धोनीने 2019 मध्ये सलग तिसरे अर्धशतक ठोकले आहे. या दरम्यान धोनीची बॅटिंग सरासरी 150 पार पोहोचली आहे. धोनीने सिडनीतील सामन्यात 51, पर्थमधील सामन्यात नाबाद 55 आणि मेलबर्नमधील सामन्यात नाबाद 87 धावा केल्या. ऑस्ट्रेलियाविरुद्धच्या तीन सामन्यात धोनीने एकूण 193 धावा केल्या. धोनीच्या तीनपैकी दोन अर्धशतकांवेळी टीम इंडियाने विजय मिळवला. याच कामगिरीच्या जोरावर धोनीने मालिकावीरचा पुरस्कार पटकावला.

धोनीने 2018 मध्ये खराब कामगिरी केल्याने त्याच्यावर टीकेचा वर्षाव होत होता. धोनीने गेल्या वर्षी 20 एक दिवसीय सामन्यात 275 धावा केल्या होत्या. यात त्याला एकदाही अर्धशतकीय मजल मारता आली नाही. परंतु ही कमी धोनीने नव्या वर्षात पहिल्या तीन सामन्यात सलग तीन अर्धशतक ठोकत पूर्ण केली.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत