नेरळ स्थानकातील जुना पादचारी पूल तोडण्यासाठी मेगाब्लॉक 

बदलापूर-कर्जत स्थानकादरम्यान होणार मेगाब्लॉक

नेरळ : रायगड माझा वृत्त 

मध्य रेल्वेच्या नेरळ स्थानकातील जुना पादचारी पूल तोडण्यासाठी रविवारी, ३ जून रोजी विशेष ब्लॉक घेण्यात येणार आहे. बदलापूर ते कर्जत स्थानकांमध्ये रविवार, ३ जून रोजी सकाळी १०.३० ते दुपारी २.२० वाजेपर्यंत हा ब्लॉक राहील. या कालावधीत लोकल, मेल-एक्स्प्रेस गाड्यांच्या वाहतुकीत काही प्रमाणात बदल केले जाणार आहेत. 

ब्लॉकदरम्यान, डाऊन मार्गावरील लोकमान्य टिळक टर्मिनस (एलटीडी)-काकीनाडा एक्स्प्रेस, मुंबई-तिरुनवेली नागरकोवील एक्स्प्रेस, मुंबई-हैदराबाद एक्स्प्रेस या गाड्या दिवा-कर्जत-पनवेलमार्गे चालविल्या जातील. त्यामुळे त्या सुमारे अर्धा तास उशिराने धावतील. मुंबई-तिरुनवेली नागरकोवील एक्स्प्रेस आणि मुंबई-हैदराबाद एक्स्प्रेसला लोकल प्रवाशांच्या सुविधेसाठी दिवा स्थानकात थांबा देण्यात येणार आहे. अप मार्गावरील हैदराबाद-मुंबई एक्स्प्रेस, चेन्नई-मुंबई एक्स्प्रेस, कोइम्बतूर-एलटीटी एक्प्रेस कर्जत-पनवेलमार्गे चालविण्यात येणार आहे. या गाड्यांना दिवा स्थानकात थांबा देण्यात येणार असल्याने त्या सुमारे ३० मिनिटे उशिराने धावणार आहेत.

लोकल फेऱ्याही रद्द

सीएसएमटी-कर्जत स. ९.०१ ची लोकल अंबरनाथ स्थानकापर्यंत, सीएसएमटी-कर्जत स.९.३८ वा., ठाणे-कर्जत स. १०.३८ वा. आणि सीएसएमटी-खोपोली दु. १२.२२ ची लोकल बदलापूरपर्यंतच चालविण्यात येणार आहे. अप मार्गावर कर्जत-सीएसएमटी स. १०.४५, स. ११.१९, दु. १२.०१, दु. १.०१ आणि कर्जत-ठाणे दु.१.२७ ची लोकल बदलापूर स्थानकातून तर कर्जत-सीएसएमटी दु.१.०१ची लोकल अंबरनाथ स्थानकातून सोडली जाईल.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत