भाजपनं रद्द केले सर्व कार्यक्रम!

नवी दिल्ली : रायगड माझा वृत्त 

गेल्या दोन महिन्यांपासून ‘एम्स’ रुग्णालयात उपचार घेत असलेले भारताचे माजी पंतप्रधान अटलबिहारी वाजपेयी यांची प्रकृती कालपासून चिंताजनक आहे. त्यांच्या प्रकृतीत काहीच सुधारणा होत नसल्यानं भाजपसह राजकीय वर्तुळात चिंतेचं वातावरण आहे. वाजपेयींच्या प्रकृतीत सुधारणा व्हावी म्हणून देशभर प्रार्थना सुरू आहेत. भाजपनं पक्ष पातळीवरील आजचे सगळे कार्यक्रम रद्द केले आहेत.

वाजपेयी यांना काल रात्रीपासून व्हेंटिलेटरवर ठेवण्यात आलं आहे. मात्र, आतापर्यंत त्यांच्या प्रकृतीत काहीच सुधारणा झालेली नाही. पंतप्रधान नरेंद्र मोदी यांच्यासह उपराष्ट्रपती व्यंकय्या नायडू, भाजपचे ज्येष्ठ नेते लालकृष्ण आडवाणी, मुरली मनोहर जोशी, परराष्ट्रमंत्री सुषमा स्वराज अशा सर्वच नेत्यांनी आज रुग्णालयात जाऊन वाजपेयींच्या प्रकृतीची विचारपूस केली. विरोधी पक्षातील अनेक नेत्यांनीही रुग्णालयात जाऊन विचारपूस केली. वाजपेयींच्या आजारपणाच्या पार्श्वभूमीवर भाजपनं आज होणारे सर्व कार्यक्रम रद्द केले आहेत. तसंच, १७ व १८ ऑगस्टला होणारी राष्ट्रीय कार्यकारिणीची बैठकही पुढं ढकलण्यात आली आहे. उत्तर प्रदेश व बिहार सरकारनंही आजचे सर्व नियोजित कार्यक्रम रद्द केले आहेत.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत