भाजपाच्या लोकांना आपल्या पंतप्रधानांची लाज वाटायला हवी : राहुल गांधी

रायगड माझा वृत्त

काँग्रेस अध्यक्ष राहुल गांधी यांनी रायबरेलीत एका सभेला संबोधित करताना पंतप्रधान नरेंद्र मोदींविरोध अंत्यत कठोर शब्दांत टीका केली आहे. भाजपाने अमेठी आणि रायबरेलीला काहीही दिले नाही, उलट जे होतं ते ओरबाडून घेतलं आहे. त्यामुळे इथं आता भाजापाचे लोक आले तर त्यांना सांगा की तुम्हाला पंतप्रधानांची लाज वाटायला हवी.

राहुल गांधी म्हणाले, इथं महामार्ग बनणार होता, मात्र झाला नाही. इथं फूडपार्क बनणार होतं ते ही झालं नाही. पंतप्रधान खोटं बोलतात, ते पहिल्यांदा देवाचं नाव घेतात आणि त्यानंतर खोटं बोलतात. त्यांनी तरुणांना नोकऱ्या दिल्या नाहीत की, १५ लाख रुपयेही दिले नाहीत. त्यामुळे आता जर भाजपाचे लोक इथं आले तर त्यांना सांगा की, तुम्हाला पंतप्रधानांची लाज वाटायला हवी.
जर केंद्रात आमचं सरकार आलं तर अमेठी आणि रायबरेलीचा विकास होईल. लोकसभेसाठी काँग्रेस उत्तर प्रदेशात पूर्ण ताकदीने लढणार आहे. आम्ही मायावती, अखिलेश यादव आणि मुलायमसिंह यादव यांचा सन्मान करतो. मात्र, आमच्या विचारधारेसाठी आम्ही लढणार आहोत. अमेठी आणि रायबरेलीशी माझं राजकीय नव्हे तर कौटुंबिक नातं आहे. त्यामुळे मी कुठेही गेलो तरी इथल्या लोकांसाठी काम करीतच राहिल.
शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत