मध्यप्रदेश निवडणुकीत काँग्रेसने भाजपला रोखले

 

रायगड माझा

देशभरात झालेल्या निवडणुकांमध्ये घवघवीत यश मिळविणाऱ्या भाजपच्या विजयी घोडदौडीला काँग्रेसने मध्यप्रदेशात लगाम घातला आहे. मध्यप्रदेशमध्ये आज १९ नगरपालिकांच्या नगराध्यक्षपदाच्या निवडणुकीचे निकाल जाहीर झाले. या निवडणुकीत दोन्ही पक्षांनी प्रत्येकी ९-९ नगरपालिकांमध्ये विजय मिळवत आपला उमेदवार नगराध्यक्षपदी विराजमान केला. तर एका नगरपालिकेत अपक्ष उमेदवाराने बाजी मारली. या निवडणुकीत काँग्रेसने भाजपला जोरदार टक्कर देत भाजपच्या ताब्यातील सात नगरपालिका हिसकावून घेण्यात यश मिळविले आहे. भाजपची होमपीच असलेल्या मध्यप्रदेशातील नगरपालिकांच्या निवडणुकांकडे सर्व पक्षांचे लक्ष वेधले होते. आज जाहीर झालेल्या निकालांमध्ये भाजपने पीथमपूर आणि डही, कुक्षी, धामनोद, पानसेमल, राजपूर, पलसूद आणि ओंकारेश्वर आदी नगरपालिकांमध्ये विजय मिळविला. तर सेंधवा नगरपालिकेतील नगराध्यक्षपदाची निवडणूक बिनविरोध झाल्याने तिथे भाजपचा उमेदवार नगराध्यक्षपदी विराजमान होणार आहे. काँग्रेसचे वरिष्ठ नेते दिग्विजय सिंह यांच्या राघोगढ नगरपालिकेसह बडवानी, मनावर आणि धार नगरपालिकेत काँग्रेसने विजय मिळवला. याशिवाय अंजड, खेतिया, सरदारपूर, राजगढ आणि धरमपूरीच्या नगराध्यक्षपदाच्या निवडणुकीत काँग्रेस उमेदवाराचा विजय झाला आहे. तर, जैतहारी नगरपालिकेत अपक्ष उमेदवाराने बाजी मारली आहे.
नगरपालिकेचा निकाल जाहीर झाल्यानंतर मुख्यमंत्री शिवराज सिंह चौहान यांनी या पराभवाचे खापर मंदसौरमधील भाजपच्या बंडखोर उमेदवारावर फोडले आहे. मंदसौरमधील भाजपच्या बंडखोरीमुळे पक्षाच्या कामगिरीवर परिणाम झाला असल्याचं त्यांनी म्हटले आहे. दरम्यान, या निकालामुळे काँग्रेसमध्ये जल्लोषाचे वातावरण असून आता देशातील वातावरण बदलत असल्याची सूचक प्रतिक्रिया काँग्रेस नेते व्यक्त करत आहेत.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत