मध्य प्रदेशात धावत्या एक्स्प्रेसला आग

ग्वाल्हेर – रायगड माझा वृत्त 

विशाखापट्टणमहून दिल्लीला निघालेल्या आंध्र प्रदेश एसी सुपरफास्ट एक्स्प्रेसला आज मध्य प्रदेशातील ग्वाहेर स्थानकाजवळ भीषण आग लागली. यात गाडीचे चार डबे जळून खाक झाले. सुदैवानं कसलीही जीवितहानी झाली नाही. अग्निशमन दलानं शर्थीच्या प्रयत्नानंतर ही आग आटोक्यात आणली.

ग्वाल्हेरमधील बिर्लानगर रेल्वे स्थानकाजवळ ही दुर्घटना घडली. डब्याला लागलेली आग वाऱ्याच्या वेगानं पसरू लागल्यामुळं प्रवासी घाबरून गेले.

आग लागल्याचं समजताच लोको पायलटनं तात्काळ एक्स्प्रेस थांबवली. त्यानंतर काही वेळातच अग्निशमन दलाचे जवान घटनास्थळी पोहोचले. रेल्वेचे पोलीसही मदतीला धावले. त्यांनी शर्थीचे प्रयत्न करून आग आटोक्यात आणली. त्यामुळे मोठा अनर्थ टळला. एक्स्प्रेसमधील सर्व प्रवासी सुखरूप असल्याचे सांगण्यात आले. ही आग नेमकी कशामुळं लागली, हे कळू शकलेलं नाही. या प्रकरणी पुढील चौकशी सुरू आहे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत