मुंबईतील TISS च्या विद्यार्थ्याची पवईत आत्महत्या

मुंबई : रायगड माझा वृत्त 

Image result for suicide

‘टाटा इन्स्टिटय़ूट ऑफ सोशल सायन्सेस’ (TISS) मधील एका विद्यार्थ्याने पवई येथील इमारतीच्या आठव्या मजल्यावरून उडी मारून आत्महत्या केली. ही घटना सोमवारी सकाळी घडली. या आत्महत्येप्रकरणी टीसमधील एका प्राध्यापकाला पोलिसांनी समन्स पाठवले आहे.

संकेत तांबे (वय २४) असे मृत विद्यार्थ्याचे नाव आहे. संकेत हा पवईतील उच्चभ्रू सोसायटीतील इमारतीच्या पहिल्या मजल्यावर राहत होता. सोमवारी सकाळी त्याने आठव्या मजल्यावरून उडी मारून आत्महत्या केली. पोलिसांनी या घटनेचा पंचनामा केला असून त्याच्या घरात सापडलेल्या सुसाईड नोटच्या आधारावर पोलीस टीसमधील प्राध्यापक पी. विजयकुमार यांना चौकशीसाठी ताब्यात घेणार आहेत.

संकेतने इंजिनिअरिंग पूर्ण केले होते. तो आता जूनपासून तीन वर्षाचा लॉ कोर्स पूर्ण करीत होता. तसेच तो टीसमध्ये ऑर्गनिसेसनल डेव्हलपमेंट, चेंज अँड लिडरशीप (ODCL) करीत होता. परंतु, ऑक्टोबरपासून त्याने या क्लासला येणे बंद केले होते. इंजिनिअरिंगला आता मार्केटमध्ये काही स्कोप राहिला नाही, असं प्राध्यापक पी. विजयकुमार यांनी सांगितल्यापासून संकेत तणावात गेला होता. संकेतने क्सासला जाणेही थांबवले होते. आत्महत्या करण्यापूर्वी त्याने सुसाईड नोट लिहिली असून यात त्याने थेट प्राध्यापकाचे नाव घेतले नसले तरी त्याचा रोख त्यांच्याकडे होता. सुसाईड नोटच्या आधारावर पोलिसांनी गुन्हा दाखल केला असून चौकशीसाठी प्राध्यापक पी. विजयकुमार यांना समन्स पाठवण्यात आले आहे, अशी माहिती वरिष्ठ पोलीस निरीक्षक अनील पोफळे यांनी दिली. संकेतचे वडील न्यायदंडाधिकारी आहे तर आई डॉक्टर आहे. संकेतच्या आत्महत्येमुळे त्यांच्यावर दुखाःचा डोंगर कोसळला आहे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत