मुरबाडमधील आजीबाईच्या शाळेची लिम्का बुकात नोंद

रायगड माझा ऑनलाईन : मुरबाड

जगभरातून कौतुक होत असलेल्या मुरबाडच्या आजीबाईच्या शाळेने लिम्का बुक पर्यंत मजल मारली आहे. लिम्का बुकात नोंद झाल्याने मुरबाडच्या शिरपेचात मानाचा तुरा रोवला आहे.

मुरबाड तालुक्यातील दुर्गम भागातील फांगणे गावात जि. प. शिक्षक योगेन्द्र बांगर यांनी दीड वर्षांपूर्वी कै. मोतीराम गणपत दलाल चॅरिटेबल संचालित आजीबाईची शाळा सुरू केली. या शाळेत गावातील 60 ते 90 वयाच्या सर्व आजीबाईंनी सहभाग नोंदवत शिक्षणाला वयाचे बंधन नसते हे सिद्ध केले आहे. शिक्षक बांगर यांच्या उपक्रमाची दाखल घेत त्यांना कॅनडातून निमंत्रण मिळाले होते. त्यामुळे या शाळेचे जगभरातून कौतुक होत आहे. या उपक्रमानंतर बांगर यांनी त्यांच्या स्वतःच्या गावात आजी- आजोबांसाठी शाळा सुरू केली आहे. ही शाळा फक्त रविवारी भरते. या शाळेत 9 विद्यार्थी संसारातील जोडीदार आहेत. नुकताच या शाळेत व्हॅलेंटाईन डे साजरा करण्यात आला. मुरबाडमधील शाळेची लिम्का बुकमध्ये नोंद करण्यात आल्याची माहिती लिम्का बुकचे संपादक विशाल बनरेज यांनी सन्मान पत्र पाठवून कळवली. लिम्का बुकात नोंद झाल्यामुळे या शाळेच्या शिरपेचात तुरा खोवला गेला आहे. शिवाय एका उपक्रमाचा गौरवही झाला आहे

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत