रस्ते अपघातात दररोज ५६ पादचाऱ्यांचा मृत्यू!

नवी दिल्ली : रायगड माझा वृत्त 

देशभरात दररोज रस्ते अपघातांमध्ये ५६ पादचाऱ्यांचा बळी जात असल्याची धक्कादायक आकडेवारी समोर आली आहे. या आकडेवारीनुसार २०१७मध्ये एकूण २०,४५७ पादचाऱ्यांचा रस्ता ओलांडताना अपघाती मृत्यू झाल्याचं स्पष्ट झालं आहे.


केंद्र सरकारने जाहीर केलेल्या आकडेवारीनुसार २०१४ ते २०१७ या तीन वर्षांच्या कालावधीत रस्ते अपघातांमध्ये मृत्यूमुखी पडणाऱ्या पादचाऱ्यांचे प्रमाण ६६ टक्क्यांनी वाढले आहे. २०१४ रोजी १२,३३० पादचारी अपघाती मृत्यूमुखी पडले होते तर २०१७ मध्ये हा आकडा वीस हजारापार गेला आहे. यामध्ये सर्वाधिक ३५०७ मृत्यू तामिळनाडूत झाले आहेत तर महाराष्ट्राचा या यादीत दुसरा क्रमांक आहे. राज्यात गेल्या वर्षी १८३१ पादचाऱ्यांचा रस्ता ओलांडताना मृत्यू झाला. पादचाऱ्यांप्रमाणेच,सायकल चालक, दुचाकी चालकांच्या मृत्यूचे प्रमाणही गंभीर आहे. २०१७मध्ये दररोज १० सायकल चालक तर १३३ दुचाकी चालकांचा अपघातात बळी गेला. वाहनचालकांचा हलगर्जीपणामुळे भारतात पादचाऱ्यांचा हकनाक जीव जात असल्याची खंत केंद्रीय रस्ते वाहतूक सचिव वाय.एस.मलिक यांनी व्यक्त केली आहे. तसंच पदपथांवर होणाऱ्या अतिक्रमणांमुळे पायी चालणाऱ्यांना रस्त्यावरून चालाव लागत आहे आणि त्यामुळे अपघातांचे प्रमाण वाढत असल्याचंही त्यांनी सांगितलं.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत