राजधानी एक्स्प्रेसच्या वेळेत बचत!

मुंबई : रायगड माझा वृत्त

मुंबई ते दिल्ली दरम्यान धावणाऱ्या राजधानी एक्स्प्रेसच्या सध्याच्या वेळेत सुमारे दोन तासांची बचत करण्याचा प्रयोग पश्चिम रेल्वेने राबवला आहे. वांद्रे टर्मिनस ते बडोद्यापर्यंत धावणाऱ्या राजधानी एक्स्प्रेसमध्ये मागीरल दिशेकडे इंजिन जोडून ‘पुश आणि पूल’ तंत्र अवलंबण्यात आले आहे. रविवारी वांद्रे टर्मिनसहून सुटलेल्या गाडीचे प्रवासातील वेळेत किमान एक ते दोन तासांची बचत होण्याची शक्यता मांडली जात आहे.

पश्चिम रेल्वेकडून मुंबई ते दिल्लीप्रमाणेच अन्य मार्गांवर राजधानी एक्स्प्रेस चालवली जाते. मुंबई ते दिल्लीपर्यंतच्या प्रवासात मोठ्या प्रमाणात गाडीस हिसके बसण्यासह वेगावर नियंत्रण येते. ही अडचण लक्षात घेत पश्चिम रेल्वेने रविवारी वांद्रे टर्मिनस ते बडोद्यापर्यंत नवीन तंत्र प्रायोगिक तत्त्वावर राबवले जात आहे. त्यास यश आल्यास मुंबई ते दिल्लीपर्यंतच्या राजधानी एक्स्प्रेसमध्येही त्याची अंमलबजावणी होणार आहे. सद्यस्थितीत घाट भागात चढणीचा मार्ग सुकर होण्यासाठी गाड्यांमध्ये इंजिन जोडले जाते.

राजधानी एक्स्प्रेसचा वेग ताशी १३० किलोमीटर असून वांद्रे टर्मिनसहून सकाळी ६.४५ वाजता सुटून दुसऱ्या दिवशी सकाळी १०.३० वाजता पोहोचते. या पद्धतीने हाती घेतलेले प्रायोगिक तत्त्व यशस्वी झाल्यास त्याची अन्यत्र अंमलबजावणी करणे शक्य होईल, असेही मत रेल्वे अधिकारी व्यक्त करत आहेत. राजधानी एक्स्प्रेस काही टप्प्यात ताशी प्रतितास १६० किलोमीटर इतक्या वेगाने चालण्याची परवानगी आहे. पण, इतक्या प्रमाणात वेगाने गाडी चालण्यासाठी गाडीस जोरदार धक्के बसू नये याची दक्षता घ्यावी लागणार आहे. दोन्ही बाजूने इंजिन असले तरीही मुख्य नियंत्रण हे पुढील बाजूकडील ड्रायव्हरकडूनच केले जाणार असल्याचे स्पष्ट केले जाणार आहे.

रेल्वे बोर्डाकडून मुंबई ते नवी दिल्लीपर्यंत या पद्धतीने गाडी चालवून वेळेत बचत करण्याचा उद्देश पडताळून पाहिला जात आहे. सध्या तीन टप्प्यात हा प्रयोग केला जात आहे. पहिल्या टप्प्यात वांद्रे टर्मिनस आणि बडोद्यापर्यंत धावणाऱ्या राजधानी एक्स्प्रेसच्या वेळेत सुमारे २४ मिनिटांची बचत साध्य केली जाणार आहे. दुसऱ्या टप्प्यात बडोदा आणि कोट्यापर्यंतही याच पद्धतीने वेळेत केली जाणार आहे. मुंबई ते दिल्लीपर्यंत राजधानी एक्स्प्रेसमध्ये १५ तास ५० मिनिटे लागतात. या पुश आणि पूल तंत्राने सुमारे एक तास ते दोन तासांच्या बचतीचा उद्देश आहे.
– तंत्राचा प्राोगिक तत्त्वावर वापर
– गाडीला धक्के बसणार नाहीत याची घेणार दक्षता

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत