राफेल प्रकरणावर केवळ पंतप्रधान नरेंद्र मोदींनीच उत्तर द्यावं : संजय राऊत

रायगड माझा वृत्त

राफेल लढाऊ विमान खरेदी कराराबाबत रिलायन्सचे नाव भारतानेच सुचवल्याचा गौप्यस्फोट फ्रान्सचे माजी राष्ट्रपती फ्रान्स्वा ओलांद यांनी नुकताच केला आहे. त्यामुळे आता यावर मंत्रिमंडळातील इतर कोणीही नाही तर केवळ पंतप्रधान नरेंद्र मोदींनीच उत्तर द्यावं, अशी मागणी शिवसेनेचे प्रवक्ते आणि खासदार संजय राऊत यांनी केली आहे.

राऊत म्हणाले, फ्रान्सचे माजी राष्ट्रपती फ्रान्स्वा ओलांद हे पंतप्रधान नरेंद्र मोदींचे चांगले मित्र आहेत, त्यांच्या गळाभेटीचे अनेक फोटो आम्ही पाहिले आहेत. मोदींच्या विनंतीवरुन ओलांद भारतातही आले होते. मात्र, आता खुद्द ओलांद यांनीच राफेल कराराबाबत स्पष्टीकरण दिले आहे. त्यामुळे त्यांच्या दाव्याला उत्तर देण्याची सर्वस्वी जबाबदारी मोदींची असून याला अर्थमंत्री अरुण जेटली, संरक्षण मंत्री निर्मला सितारामन किंवा अर्थ सचिवांनी उत्तर देऊ नये स्वतः मोदींनीच यावर उत्तर द्यायला हवे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत