वऱ्हाडाच्या वाहनाला भीषण अपघात, 11 जणांचा जागीच मृत्यू

लातूर : रायगड माझा वृत्त

लातूर-मुखेड रस्त्यावर भीषण दुर्घटना घडली आहे. वऱ्हाडाच्या वाहनाला झालेल्या अपघातात 11 जणांचा जागीच मृत्यू झाला आहे. तर 25 जण जखमी झाले आहेत. शिरुर ताजबंद-मुखेड राज्यमार्गावरील ही घटना आहे. आयशर टेम्पो आणि टँकरची समोरासमोर धडक झाल्यानं हा अपघात झाला. मृत पावलेले वऱ्हाडी हे औसा तालुक्यातील खरोसा येथील रहिवासी असल्याची प्राथमिक माहिती मिळाली आहे. दरम्यान, मृतांचा आकडा वाढण्याची शक्यता आहे. लातूर- मुखेड रस्त्यावर जांब (नांदेड) या ठिकाणी शनिवरी (12 मे) सकाळी 9.30 वाजण्याच्या सुमारास हा अपघात घडला.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत