शंकरसिंह वाघेला राष्ट्रवादीत

अहमदाबाद : रायगड माझा वृत्त

लोकसभा निवडणुकांचे पडघम वाजू लागले असताना राजकीय पटलावरही नवनवी समीकरणे तयार होऊ लागली असून गुजरातचे माजी मुख्यमंत्री शंकरसिंह वाघेला यांनी आज थेट राष्ट्रवादी काँग्रेसचे घड्याळ हातात बांधले. गुजरातमधल्या या मातब्बर नेत्याने राष्ट्रवादीचा मार्ग धरल्याने सगळेच चकीत झाले आहेत.

राष्ट्रवादी काँग्रेसचे राष्ट्रीय अध्यक्ष शरद पवार यांच्या उपस्थितीत वाघेला यांनी राष्ट्रवादीत प्रवेश केला. पवार यांनी वाघेलांचे पक्षात स्वागत केले. यावेळी प्रफुल्ल पटेलही उपस्थित होते.

शंकरसिंह वाघेला यांनी २०१७ मध्ये गुजरात विधानसभा निवडणुकीआधी काँग्रेसला सोडचिट्ठी देऊन स्वत:चा पक्ष स्थापन केला होता. नंतर राज्यसभा निवडणुकीत त्यांनी भाजपला मदत केली होती.

दरम्यान, राष्ट्रवादी काँग्रेसमध्ये जाण्यामागे वाघेला यांची बरीच गणितं आहेत. पक्षाकडून त्यांना राष्ट्रीय सरचिटणीसपदाची धुरा देण्यात आली आहे. आगामी निवडणुकीत भाजपविरोधात उभ्या ठाकत असलेल्या महाआघाडीचे समन्वयक म्हणून वाघेला यांच्यावर जबाबदारी सोपवण्यात येणार असल्याचे कळते.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत