शिया सेंट्रल बोर्डाचे अध्यक्ष वसीम रिजवी यांना धमकी

मदरशांमधून अतिरेकी निर्माण होत असल्याचं वक्तव्य केल्यानं शिया सेंट्रल बोर्डाचे अध्यक्ष वसीम रिजवी यांना अंडरवर्ल्ड डॉन दाऊद इब्राहिमने धमकावलं आहे. या प्रकरणी मौलानांची माफी मागा अन्यथा परिणामांना सामोरे जा, अशी धमकी दाऊदनं दिल्याचा दावा रिजवी यांनी केला असून याबाबत त्यांनी पोलिसांत तक्रार दाखल केली आहे.

शनिवारी रात्री एका अज्ञात व्यक्तीने ‘डी कंपनी’चा साथीदार असल्याचं सांगत ‘भाई’च्या नावाने धमकी दिल्याचं रिजवी यांनी तक्रारीत म्हटलं आहे. ‘मदरशांबाबत केलेल्या वक्तव्यावरून रिजवी यांनी तात्काळ मौलानांची माफी मागावी, अन्यथा परिणामांना सामोरे जावे,’ अशी धमकी दाऊदचं नाव घेऊन या अज्ञात व्यक्तीने दिल्याचं रिजवी यांनी सांगितलं.

रिजवी यांनी मदरशांमधील शिक्षणप्रणालीविरोधात पंतप्रधान नरेंद्र मोदी यांना पत्र लिहून तक्रार केली होती. त्यानंतर जमात-ए-उलेमा-ए-हिंदने रिजवी यांच्याविरोधात २० कोटी रुपयांचा अब्रुनुकसानीचा दावा ठोकला होता. तसेच याप्रकरणी रिजवी यांनी माफी मागण्याची मागणीही जमात-ए-उलेमाने केली होती

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत