संशयिताला अटक, 8 देशी बॉम्बसह स्फोटकं बनवण्याचं साहित्य जप्त

रायगड माझा वृत्त

नालासोपाऱ्यातील भांडारआळी येथील एका घरातून दहशतवादविरोधी पथकानं मोठ्या प्रमाणावर स्फोटकांचा साठा व आठ गावठी बॉम्ब जप्त केले आहेत. या प्रकरणी वैभव राऊत याला अटक करण्यात आली असून तो सनातन संस्थेचा साधक असल्याचा संशय आहे. ‘सनातन’नं मात्र वैभव हा आमचा साधक नसल्याचं स्पष्ट केलं आहे. पोलिसांनी तात्काळ त्याची चौकशी सुरू केली आहे.

गेल्या तीन दिवसांपासून एटीएसचं पथक वैभवच्या मागावर होतं. पुरेशी माहिती मिळाल्यानंतर गुरुवारी रात्री उशिरा त्याच्या घरावर छापा टाकण्यात आला. या छाप्यात वैभवच्या घरातून व दुकानातून जप्त करण्यात आलेल्या स्फोटकांमध्ये गन पावडर, डिटोनेटरचा समावेश आहे. हे सगळं साहित्य बॉम्ब बनविण्यासाठी वापरलं जातं. किमान दोन डझन बॉम्ब बनवता येतील इतकी सामुग्री वैभवच्या घरातून मिळाल्याचं सूत्रांकडून समजतं.

ही स्फोटकं वैभवनं घरात का ठेवली होती?, ती कुठून आणली होती? त्याचा कसा वापर केला जाणार होता?, या सगळ्याची चौकशी आता पोलिसांनी सुरू केली आहे. त्याला आज भोईवाडा न्यायालयात हजर केलं जाणार असल्याचं सांगितलं जातं.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत