स्वीडनला नमवून इंग्लंडची उपांत्य फेरीत धडक

 

रायगड माझा वृत्त 

फिफा विश्वचषकातील विजेतेपदाच्या दावेदारांपैकी एक मानल्या जाणाऱ्या इंग्लंडने आजच्या सामन्यात स्वीडनचा २-० असा पराभव केला. या विजयाबरोबरच इंग्लंडच्या संघाने २८ वर्षांनंतर उपांत्य फेरीत धडक मारली आहे.

समाराच्या मैदानावर खेळल्या गेलेल्या सामन्यात इंग्लंडने स्वीडनविरुद्ध आक्रमक खेळ केला. हॅरी मेग्वायर आणि डेले अली यांनी केलेल्या प्रत्येकी एक गोलच्या मदतीने इंग्लंड संघानं स्वीडनवर २-० अशी मात केली. या विजयासोबतच इंग्लंडनं तब्बल २८ वर्षांनंतर उपांत्य फेरीत धडक मारली आहे. इंग्लंडने याआधी १९९० साली उपांत्य फेरी गाठली होती. इंग्लंडकडून मेग्वायरने ३० व्या मिनिटाला पहिला गोल करीत संघाला १-० अशी आघाडी मिळवून दिली तर ५८ व्या मिनिटाला अलीने गोल करीत संघाला विजयी आघाडी मिळवून दिली. इंग्लंड आणि स्वीडन यांच्यातील हा २५ वा सामना होता. इंग्लंडने स्वीडनविरुद्ध ९ वेळा विजय मिळवला आहे.

२२ वर्षीय डेली अलीचा हा तिसरा आंतरराष्ट्रीय गोल होता. इंग्लंडचा सामना आता क्वार्टर फायनलमधील रशिया आणि क्रोएशिया यांच्यातील विजेत्या संघाबरोबर होणार आहे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत