बेंगळुरू : रायगड माझा
पाच महिन्यांपूर्वी काँग्रेसचे ६० वे अध्यक्ष बनलेल्या राहुल गांधींनी आगामी लोकसभा निवडणुकीच्या वर्षभरापूर्वी राहुल गांधींनी पंतप्रधान बनण्याची तयारी दर्शवली आहे. एका प्रश्नाच्या उत्तरात राहुल गांधी म्हणाले की, जर काँग्रेस २०१९ मध्ये सर्वात मोठा पक्ष ठरला तर मी पंतप्रधान का बनणार नाही, असे राहुल गांधी म्हणाले आहेत. पण काँग्रेसला आता किती यश मिळणार यावर हे सर्व अवलंबून असणार आहे.
मुख्यमंत्रीपदाचा उमेदवार भ्रष्ट का?
– राहुल गांधींनी बेंगळुरूमध्ये समृद्ध भारत फाऊंडेशनच्या कार्यक्रमात आलेल्या मोजक्या लोकांनी संबोधित करताना म्हटले की, अमित शहा हत्येच्या प्रकरणातील आरोपी राहिलेले आहे. त्यांच्याकडे फारशी विश्वसनीयता राहिलेली नाही, असे मला वाटते. भारताची जनता हे विसरली आहे की, भाजपाध्यक्ष हत्येचे आरोपी आहेत. जो पक्ष प्रामाणिकपणा आणि विनम्रतेच्या गप्पा करतो त्यांच्याच अध्यक्षावर हत्येचा आरोप आहे.
– आम्ही वारंवार पंतप्रधानांना विचारत आलो आहोत की, त्यांनी अशा व्यक्तीला मुख्यमंत्रीपदाचे उमेदवार का निवडले जो तुरुंगात गेलेला आहे आणि भ्रष्टही आहे.